Ad Completorium
pro dies dominicis I.
Ad Completorium pro dies dominicis I est pro dies sabbatis et dies ante solemnitates.
Introductio
Deus, in adiutorium meum intende.
— Domine, ad adiuvandum me festina.
Gloria Patri, et Filio, et Spiritui Sancto,
— sicut erat in principio, et nunc, et semper, et
in saecula saeculorum.
Amen. Alleluia (omissa in Quadragesima).
Examen Conscientiae et Actus Paenitentiales
Confiteor Deo omnipotenti, et vobis, fratres et sorores, quia peccavi nimis cogitatione, verbo, opere et omissione: mea culpa, mea culpa, mea maxima culpa. Ideo precor beatam Mariam semper Virginem, omnes Angelos et Sanctos, et vos, fratres et sorores, orare pro me ad Dominum Deum nostrum.
Misereatur nostri omnipotens Deus et, dimissis peccatis nostris, perducat nos ad vitam aeternam. Amen.
Hymnus
Te lucis ante terminum,
rerum creator, poscimus,
ut solita clementia
sis praesul ad custodiam.
Te corda nostra somnient,
te per soporem sentiant,
tuamque semper gloriam
vicina luce concinant.
Vitam salubrem tribue,
nostrum calorem refice,
taetram noctis caliginem
tua collustret claritas.
Praestra, Pater omnipotens,
per Iesum Christum Dominum,
qui tecum in perpetuum
regnum cum Sancto Spiritu.
Amen.
Ps 4:2-9
Miserere mei, Domine, et exaudi orationem meam
Cum invocarem, exaudivit me Deus iustitiae meae. In tribulatione dilatasti mihi; miserere mei et exaudi orationem meam.
Filii hominum, usquequo gravi corde? Ut quid diligitis vanitatem et quaeritis mendacium? Et scitote quoniam mirificavit Dominus sanctum suum; Dominus exaudiet, cum clamavero ad eum.
Irascimini et nolite peccare; loquimini in cordibus vestris, in cubilibus vestris et conquiescite. Sacrificate sacrificium iustitiae et sperate in Domino.
Multi dicunt: "Quis ostendit nobis bona?". Leva in signum super nos lumen vultus tui, Domine! Maiorem dedisti laetitiam in corde meo, quam cum multiplicantur frumentum et vinum eorum. In pace in idipsum dormiam et requiescam, quoniam tu, Domine, singulariter in spe constituisti me.
Gloria Patri, et Filio, et Spiritui Sancto, sicut erat in principio, et nunc, et semper, et in saecula saeculorum. Amen.
Miserere mei, Domine, et exaudi orationem meam
Ps 134
In noctibus benedicite Dominum.
Ecce benedicite Dominum, omnes servi Domini, qui statis in domo Domini per noctes. Extollite manus vestras ad sanctuarium et benedicite Dominum.
Benedicat te Dominus ex Sion, qui fecit caelum et terram.
Gloria Patri, et Filio, et Spiritui Sancto, sicut erat in principio, et nunc, et semper, et in saecula saeculorum. Amen.
In noctibus benedicite Dominum.
Lectio Brevis (Deut 6:4-7)
Audi, Israel: Dominus Deus noster Dominus unus est. Diliges Dominum Deum tuum ex toto corde tuo et ex tota anima tua et ex tota fortitudine tua. Eruntque verba haec, quae ego praecipio tibi hodie, in corde tuo, et inculcabis ea filiis tuis et loqueris ea sedens in domo tua et ambulans in itinere, decumbens atque consurgens;
Responsorium Breve
In manus tuas, Domine, commendo spiritum meum.
— In manus tuas, Domine, commendo spiritum
meum.
Redemisti nos, Domine Deus veritatis.
— Commendo spiritum meum.
Gloria Patri, et Filio, et Spiritui Sancto.
— In manus tuas, Domine, commendo spiritum
meum.
Canticum (Lc 2:29-32)
Salva nos, Domine, vigilantes, custodi nos dormientes, ut vigilemus cum Christo et requiescamus in pace.
Nunc dimittis servum tuum, Domine, secundum verbum tuum in pace, quia viderunt oculi mei salutare tuum, quod parasti ante faciem omnium populorum, lumen ad revelationem gentium et gloriam plebis tuae Israel.
Gloria Patri, et Filio, et Spiritui Sancto, sicut erat in principio, et nunc, et semper, et in saecula saeculorum. Amen.
Salva nos, Domine, vigilantes, custodi nos dormientes, ut vigilemus cum Christo et requiescamus in pace.
Oratio
Oremus. Visita nos, quaesumus, Domine, hac nocte praesenti, ut, diluculo tua virtute surgentes, de resurrectione Christi tui gaudere valeamus. Qui vivit et regnat in saecula saeculorum. Amen.
Noctem quietam et finem perfectum concedat nobis Dominus omnipotens. Amen.
Antiphona Finalis ad Beatam Mariam Virginem
Ora "Alma Redemptoris Mater" in Advent ad Festum Purificationis beatae Mariae Virginis.
Alma Redemptoris Mater, quae pervia caeli porta manes et stella maris, succurre cadenti, surgere qui curat, populo: tu quae genuisti, natura mirante, tuum sanctum genitorem, Virgo prius, ac posterius, Gabrielis ab ore sumens illud ave, peccatorum miserere.
Ora "Ave Regina Caelorum" in Festum Purificationis beatae Mariae Virginis ad Pascha.
Ave regina caelorum, ave domina angelorum: salve radix,
salve porta, ex qua mundo lux est orta.
Gaude Virgo, gloriosa, super omnes speciosa, vale o valde decora, et pro nobis Christum exora.
Ora "Regina Caeli" in Pascha ad Pentecoste.
Regina caeli, laetare, alleluia; quia quem meruisti portare, alleluia; resurrexit sicut dixit, alleluia; ora pro nobis Deum, alleluia.
Ora "Salve Regina" in Pentecoste ad Advent.
Salve Regina, mater misericordiae, vita, dulcedo, et spes nostra salve. Ad te clamamus, exules filii Evae. Ad te suspiramus, gementes et flentes, in hac lacrimarum valle. Eia ergo, advocate nostra, illos tuos misericordes oculos, ad nos converte. Et Jesum, benedictum fructum ventris tui, nobis post hoc exsilium ostende. O Clemens, o pia, o dulcis virgo Maria.