Ad Completorium
pro dies lunae.
Introductio
Deus, in adiutorium meum intende.
— Domine, ad adiuvandum me festina.
Gloria Patri, et Filio, et Spiritui Sancto,
— sicut erat in principio, et nunc, et semper, et
in saecula saeculorum.
Amen. Alleluia (omissa in Quadragesima).
Examen Conscientiae et Actus Paenitentiales
Confiteor Deo omnipotenti, et vobis, fratres et sorores, quia peccavi nimis cogitatione, verbo, opere et omissione: mea culpa, mea culpa, mea maxima culpa. Ideo precor beatam Mariam semper Virginem, omnes Angelos et Sanctos, et vos, fratres et sorores, orare pro me ad Dominum Deum nostrum.
Misereatur nostri omnipotens Deus et, dimissis peccatis nostris, perducat nos ad vitam aeternam. Amen.
Hymnus
Te lucis ante terminum,
rerum creator, poscimus,
ut solita clementia
sis praesul ad custodiam.
Te corda nostra somnient,
te per soporem sentiant,
tuamque semper gloriam
vicina luce concinant.
Vitam salubrem tribue,
nostrum calorem refice,
taetram noctis caliginem
tua collustret claritas.
Praestra, Pater omnipotens,
per Iesum Christum Dominum,
qui tecum in perpetuum
regnum cum Sancto Spiritu.
Amen.
Ps 86
Tu, Domine Deus, patiens et multae misericordiae.
Inclina, Domine, aurem tuam et exaudi me, quoniam inops et pauper sum ego. Custodi animam mea, quoniam sanctus sum; salvum fac servum tuum, Deus meus, sperantem in te.
Miserere mei, Domine, quoniam ad te clamavi tota die. Laetifica animam servi tui, quoniam ad te, Domine, animam meam levavi. Quoniam tu, Domine, suavis et mitis et multae misericordiae omnibus invocantibus te.
Auribus percipe, Domine, orationem meam et intende voci deprecationis meae. In die tribulationis meae clamavi ad te, quia exaudies me.
Non est similis tui in diis, Domine, et nihil sicut opera tua. Omnes gentes, quascumque fecisti, venient et adorabunt coram te, Domine, et glorificabunt nomen tuum, quoniam magnus es tu et faciens mirabilia: tu es Deus solus.
Doce me, Domine, viam tuam, et ingrediar in veritate tua; simplex fac cor meum, ut timeat nomen tuum. Confitebor tibi, Domine Deus meus, in toto corde meo et glorificabo nomen tuum in aeternum, quia misericordia tua magna est super me, et eruisti animam meam ex inferno inferiori.
Deus, superbi insurrexerunt super me, et synagoga potentium quaesierunt animam meam et non proposuerunt te in conspectu suo. Et tu, Domine, Deus miserator et misericors, patiens et multae misericordiae et veritatis, respice in me et miserere mei; da fortitudinem tuam puero tuo et salvum fac filium ancillae tuae.
Fac mecum signum in bonum, ut videant, qui oderunt me, et confundantur, quoniam tu, Domine, adiuvisti me et consolatus es me.
Gloria Patri, et Filio, et Spiritui Sancto, sicut erat in principio, et nunc, et semper, et in saecula saeculorum. Amen.
Tu, Domine Deus, patiens et multae misericordiae.
Lectio Brevis (1 Th 5:9-10)
Posuit nos Deus in acquisitionem salutis per Dominum nostrum Iesum Christum, quo mortuus est pro nobis, ut sive vigilemus dormiamus, simul cum illo vivamus.
Responsorium Breve
In manus tuas, Domine, commendo spiritum meum.
— In manus tuas, Domine, commendo spiritum
meum.
Redemisti nos, Domine Deus veritatis.
— Commendo spiritum meum.
Gloria Patri, et Filio, et Spiritui Sancto.
— In manus tuas, Domine, commendo spiritum
meum.
Canticum (Lc 2:29-32)
Salva nos, Domine, vigilantes, custodi nos dormientes, ut vigilemus cum Christo et requiescamus in pace.
Nunc dimittis servum tuum, Domine, secundum verbum tuum in pace, quia viderunt oculi mei salutare tuum, quod parasti ante faciem omnium populorum, lumen ad revelationem gentium et gloriam plebis tuae Israel.
Gloria Patri, et Filio, et Spiritui Sancto, sicut erat in principio, et nunc, et semper, et in saecula saeculorum. Amen.
Salva nos, Domine, vigilantes, custodi nos dormientes, ut vigilemus cum Christo et requiescamus in pace.
Oratio
Oremus. Quietem, Domine, corporibus nostris tribue salutarem, et quae fudimus hodie semina per laborem, fac ut messem germinent sempiternam. Per Christum Dominum nostrum. Amen.
Noctem quietam et finem perfectum concedat nobis Dominus omnipotens. Amen.
Antiphona Finalis ad Beatam Mariam Virginem
Ora "Alma Redemptoris Mater" in Advent ad Festum Purificationis beatae Mariae Virginis.
Alma Redemptoris Mater, quae pervia caeli porta manes et stella maris, succurre cadenti, surgere qui curat, populo: tu quae genuisti, natura mirante, tuum sanctum genitorem, Virgo prius, ac posterius, Gabrielis ab ore sumens illud ave, peccatorum miserere.
Ora "Ave Regina Caelorum" in Festum Purificationis beatae Mariae Virginis ad Pascha.
Ave regina caelorum, ave domina angelorum: salve radix,
salve porta, ex qua mundo lux est orta.
Gaude Virgo, gloriosa, super omnes speciosa, vale o valde decora, et pro nobis Christum exora.
Ora "Regina Caeli" in Pascha ad Pentecoste.
Regina caeli, laetare, alleluia; quia quem meruisti portare, alleluia; resurrexit sicut dixit, alleluia; ora pro nobis Deum, alleluia.
Ora "Salve Regina" in Pentecoste ad Advent.
Salve Regina, mater misericordiae, vita, dulcedo, et spes nostra salve. Ad te clamamus, exules filii Evae. Ad te suspiramus, gementes et flentes, in hac lacrimarum valle. Eia ergo, advocate nostra, illos tuos misericordes oculos, ad nos converte. Et Jesum, benedictum fructum ventris tui, nobis post hoc exsilium ostende. O Clemens, o pia, o dulcis virgo Maria.